Mga Awit 54

Panalangin Upang Saklolohan¹Makapangyarihang Diyos, ako'y iligtas, ipagsanggalang mo ng iyong lakas. ²Dinggin mo, O Diyos, aking panalangin, iyo ngang pakinggan, aking mga daing. ³Ang nagmamataas ay laban sa akin, hangad ng malupit ang ako'y patayin, kanilang nilimot na ang Diyos ay sundin. (Selah) ⁴Batid kong ang Diyos ang siyang tutulong, tagapagsanggalang ko, aking Panginoon. ⁵Ang hinahangad ko ay maparusahan sa gawang masama ang mga kaaway; ang Diyos na matapat, sila'y wawakasan. ⁶Buong galak naman akong maghahandog ng pasasalamat kay Yahweh, dahilan sa kanyang kagandahang-loob. ⁷Iniligtas ako sa kabagabagan, iniligtas niya sa mga kaaway, at aking nakitang sila ay talunan!